ભારતીય જનતા પાર્ટી, મોરબી જિલ્લા દ્વારા સ્થાનિક સ્વરાજ્ય ચૂંટણી–૨૦૨૬ને લઈને સેન્સ પ્રક્રિયાનું આયોજન કરવામાં આવ્યું છે. આ પ્રક્રિયા ૧ અને ૨ એપ્રિલના રોજ જિલ્લા ભાજપ કાર્યાલય ખાતે નિર્ધારિત સમયપત્રક મુજબ યોજાશે.
૧ એપ્રિલના કાર્યક્રમ મુજબ:
સવારે 08:30 થી 11:30 વાગ્યા સુધી માળિયા તાલુકા પંચાયત અને જિલ્લા પંચાયતના પ્રતિનિધિઓ માટે બેઠક યોજાશે.
ત્યારબાદ 11:30 થી 01:30 સુધી વાંકાનેર તાલુકા પંચાયતનો કાર્યક્રમ રહેશે. બપોરે 01:30 થી 02:30 દરમિયાન ભોજન વિરામ રહેશે.
બાદમાં 02:30 થી 04:30 સુધી વાંકાનેર નગરપાલિકા અને સાંજે 04:30 થી 08:30 સુધી ટંકારાના તાલુકા પંચાયત અને નગરપાલિકા માટે પ્રક્રિયા યોજાશે.
વાંકાનેર તાલુકા મંડલ માટે સેન્સ પ્રક્રિયા તા. ૦૧-૦૪-૨૦૨૬ (બુધવાર) ના રોજ સવારે ૧૧:૩૦ થી ૦૧:૩૦ વાગ્યા સુધી શ્રી કમલમ્, જિલ્લા ભાજપ કાર્યાલય, મોરબી ખાતે યોજાશે.
આ પ્રક્રિયામાં તાલુકા પંચાયત અને જિલ્લા પંચાયતની બેઠકો માટે ઇચ્છુક ઉમેદવારોને જરૂરી દસ્તાવેજો સાથે જાતે હાજર રહેવું ફરજિયાત રાખવામાં આવ્યું છે.
📌 ઉમેદવારો માટે જરૂરી દસ્તાવેજો:
મતદાર યાદીનો ક્રમાંક
બુથનું નામ અને નંબર
પ્રાથમિક તથા સક્રિય સભ્ય નંબર (૨૦૨૪ મુજબ)
ચૂંટણી કાર્ડ/આધાર કાર્ડની નકલ
પાસપોર્ટ સાઇઝના ૩ ફોટા
પક્ષમાં હાલની અને અગાઉની જવાબદારીઓની વિગતો
📢 ખાસ નોંધ મુજબ, ઉમેદવારોએ સ્વયં હાજર રહી ફોર્મ ભરીને જમા કરાવવાનું રહેશે અને કોઈપણ ટેકેદારો સાથે આવવાની મનાઈ રાખવામાં આવી છે.
