વાંકાનેર તાલુકાના લાલપર ગામે રહેતા વાહીદભાઈ વલીભાઈ ખિયાણી (ઉ.વ. 48)ના ઘર પાસે પાર્ક કરેલી CNG ઓટો રિક્ષાની ચોરી થતાં પોલીસ ફરિયાદ નોંધાઈ છે.
મળતી માહિતી મુજબ, ફરિયાદીની માલિકીની રૂ. 50 હજારની કિંમતની CNG ઓટો રિક્ષા નંબર GJ-36-U-2508 ઘર પાસે પાર્ક કરેલી હતી. દરમિયાન કોઈ અજાણ્યા તસ્કરે ડુપ્લિકેટ ચાવીનો ઉપયોગ કરી ઓટો રિક્ષા ચાલુ કરીને ચોરી કરી લઈ ગયો હતો.
બનાવ અંગે વાહીદભાઈ ખિયાણીએ વાંકાનેર સીટી પોલીસ સ્ટેશનમાં ફરિયાદ નોંધાવતા પોલીસે ગુનો દાખલ કરી અજાણ્યા ચોરને ઝડપી પાડવા તેમજ ચોરાયેલી ઓટો રિક્ષા શોધવા માટે વધુ તપાસ હાથ ધરી છે.
