વાંકાનેર શહેરના આરોગ્યનગર વિસ્તારમાં થોડા દિવસો પેલા સામું જોવા જેવી નજીવી ઝગડા નાં મનદુઃખને લઈ યુવક પર હુમલો થયાની ઘટના સામે આવી છે. મળતી માહિતી મુજબ, રફીકભાઈ ઉમરભાઈ સદવાણી (ઉ.વ.૨૭), રહે. આરોગ્યનગર, વાંકાનેર ઉપર તા.૦૩/૦૫/૨૦૨૬ના રોજ રાત્રે આશરે ૧૦ વાગ્યે બસ સ્ટેશનના નાના ગેટ પાસે હુમલો કરવામાં આવ્યો હતો.
ફરિયાદ મુજબ, થોડા દિવસ પહેલાં થયેલી બોલાચાલીનો ખાર રાખી આરોપી જતીનભાઈ લાલજીભાઈ કોળી જે મેરુભાઈ કોળી નો ભાઈ છે તેને રફીકભાઈ સાથે ગાળાગાળી કરી કહેલ કે મારા ભાઈ સામું કેમ જોયું તું ?, અમે અહીંયા બેઠા હોઈ ત્યારે નિકળવાનું નહીં તારે તેમ કહી ગાળાગાળી કરવા લાગેલ અને કહ્યું કે ઉભોરે અહીંયા હમણાં આવું જ છું તેમ કહી ઘરે થી લાકડા ના ધોકો લાવી અને લાકડાના ધોકાથી માથાના ભાગે તેમજ શરીરના અન્ય ભાગે ઇજા પહોંચાડી હતી. ત્યારબાદ મેરુભાઈ લાલજીભાઈ કોળી પણ ત્યાં આવી ઢીકાપાટુનો માર માર્યો હતો.
ઇજાગ્રસ્ત રફીકભાઈને લોહી નીકળવા લાગેલ હોય જેથી કોઈ અજાણ્યા વ્યક્તિ દ્વારા તાત્કાલિક વાંકાનેર સરકારી હોસ્પિટલ ખાતે ખસેડવામાં આવ્યા હતા અને વધુ સારવાર માટે મોરબી હોસ્પિટલમાં રિફર કરવામાં આવ્યા હતા. આ ઘટનાના અનુસંધાને દિપકભાઈ ગીરધરભાઈ કોળીએ ફરીયાદીને જાનથી મારી નાખવાની ધમકી આપ્યાનો પણ આક્ષેપ કરવામાં આવ્યો છે.
પોલીસે આરોપીઓ સામે બી.એન.એસ કલમ ૧૧૮(૧), ૧૧૫(૨), ૩૫૨, ૩૫૧(૨), ૫૪ તથા જી.પી.એક્ટ કલમ ૧૩૫ મુજબ ગુનો નોંધી વધુ તપાસ હાથ ધરી છે.
