વાંકાનેર તાલુકા પોલીસ સ્ટેશન વિસ્તારમાં ગેરકાયદેસર રીતે તથા ઓવરલોડ ખનીજનું વહન કરતા ખનીજ માફિયાઓ સામે પોલીસ દ્વારા કડક કાર્યવાહી હાથ ધરવામાં આવી હતી. પોલીસે કુલ અંદાજિત રૂ.૧ કરોડ ૧૦ લાખનો મુદામાલ કબ્જે કરી કાયદેસરની કાર્યવાહી શરૂ કરી છે.
મળતી માહિતી મુજબ, પોલીસ ઇન્સપેકટર શ્રી બી.વી. પટેલ તથા પો.સબ ઇન્સપેકટર શ્રી ડી.વી. ખાંભલા અને સર્વેલન્સ સ્ટાફ વાંકાનેર તાલુકા વિસ્તારમાં પેટ્રોલિંગમાં હતા ત્યારે ગેરકાયદેસર ખનીજ વહન કરતા તેમજ ઓવરલોડ વાહનો ઝડપાયા હતા.
પોલીસ દ્વારા કબ્જે કરાયેલ મુદામાલમાં
૧. અશોક લેલેન્ડ કંપનીનો ડમ્પર નં. GJ-13-AX-0892 કિંમત રૂ.૩૦ લાખ
૨. ટાટા કંપનીનો ડમ્પર નં. GJ-27-TD-2406 કિંમત રૂ.૩૦ લાખ
૩. અશોક લેલેન્ડ કંપનીનો ટ્રક નં. GJ-03-BY-4694 કિંમત રૂ.૨૫ લાખ
૪. અશોક લેલેન્ડ કંપનીનો ટ્રક નં. GJ-11-VV-9618 કિંમત રૂ.૨૫ લાખ
આમ કુલ રૂ.૧,૧૦,૦૦,૦૦૦નો મુદામાલ કબ્જે કરવામાં આવ્યો હોવાનું પોલીસે જણાવ્યું છે.
આ સમગ્ર કામગીરીમાં પોલીસ ઇન્સપેકટર શ્રી બી.વી. પટેલ, પો.સબ ઇન્સપેકટર શ્રી ડી.વી. ખાંભલા તથા સર્વેલન્સ ટીમના સ્ટાફે મહત્વપૂર્ણ ભૂમિકા ભજવી હતી.
